طريقه عمل الزبادي

هتعملو ذبادي فالبيت😍⁦

ننزلكوا الطريقه⁦👩‍🍳⁩ ولا عرفنها 🙈

يلا بينا نقوول الطريقه وشويه تكات 😌

المقادير

لتر لبن حليب

علبه ذبادى وسط

الطريقه

اولا نولع الفرن يدفى بس مش يسخن

نجهز حوالى 6  اكواب زجاج

نجهز صنيه بها ماء دافئ علشان نحط فيها اكواب الذبادى للتسويه

ندفى اللبن مش نسخنه زى مبيقولوا كدا زى دمعه العين

اضربى  نصف مقدار اللبن والذبادى باستخدام Hand Blendar

واضربى كويس قوووى وبعدين ضيفى باقى مقدار اللبن مع الضرب كويس تانى

نصب الخليط فالاكواب وبعدين نحطها فالصنيه اللى فيها ميه دافيه وندخلها الفرن الدافى

نسبها بالفرن ومش نفتح عليه نهائى الباب  لمده 6 ساعات

ندخلها التلاجه 6 ساعات كمان لحد متتماسك خاالص

كدا هيبقى معاكى احلى واطعم ذبادى

شويه ملحوظات

1-ممكن تضيفى معلقه لبن بودر للبن الحليب هيدى طعم حلو جداااا

2-لو اللبن من عند اللبان اغليه كويس الاول وسبيه يبرد قبل الاستخدام

3-لو لبن معلب وده هيديكى طعم احلى دفيه قبل الاستخدام

4- الذبديه  اللى هتعملى بيها الذبادى متكنش ساقعه لازم تكون بدرجه حراره الغرفه

5-ذودى كوب ذبادى عن احتجاتك علشان تعملى بيه ذبادى تانى يوم

6- لازم نغطى الاكواب اثناء التسويه

7-الفرن لازم يكون دافى طول فتره التخمير

لو عايزه تعملى ذبادى بالاطعمه

ضيفى معلقتين ايس كريم بودر بالطعم اللى تحبيه قبل متصبى الخليط بالكبيات واخلطيه بالهاند كويس

بفضل الطريقه دى عن استخدام الفواكهه علشان مش تنزل فيها ميه وطبعا ممكن مش تنجح معاكى

لو مفيش هاند عندك استخدمى الخلاط