طريقه الدوناتس

#الدوناتس بمقادير مختلفه شويه وشكل مختلف بحيث العجينه يكون طعمها كمان حلو  ما نعتمدش علي الحشو فقط  ومحدش يشغل مخه ويضيف حاجه او يقلل حاجه
٢كوب لبن وممكن نضيف ميه مع اللبن عادي
١ كوب وربع زبده فيرن
٣بيضه كامله
نص كوب سكر
رشة ملح
رشة فانيليا
معلقة خميره كبيره وممكن نزود ربع معلقه كمان
ممكن نضيف لبن بودره وممكن لا مش هيفرق
الدقيق زي ما العجينه تاخد
هنقلب كل المكونات علي بعضها وننزل بالدقيق واحده واحده لغاية ما تتماسك المهم نعجن كويس جدا
نخلص عجين ونسيب العجينه تريح من ١٠ دقايق ل ١٥ دقيقه
بعد كدا نفردها بدقيق بس يكون خفيف ونشكل منها بالفورمه بتاعة الدونات
نخلص ونسيبها تخمر مش لازم وقت معين المهم انها اول ما تخمر كويس ننزل في الزيت طبعا الزيت يكون سخن
وشكلها يكون دهبي
تطلع وتنشف تصبر شويه لغاية ما الدونت ينشف
بعد كدا هتفتح الدونات اللي زي اول صوره وتحشيه نيوتيلا او كريمه وطبعا ترش علي وشه سكر ناعم او تشكل وشه زي ما انت عايز
والنوع التاني تنزله في الشيكولاته السايحه وتطلع ترش علي اللقمه جوز الهند او شيكولاته بيضه او اي حاجه عايز تشكلها بيها

بلاش بودر خالص
اي سؤال تحت امركم