طريقه البسبوسه

طريقة البسبوسه
المكونات
3 علب زبادي
كوباية ونص زبدة سايحة
كوباية سكر
4 كوب دقيق سميد
معلقتين كبار بيكنج بودر
الطريقة
هنحط السكر والزبدة والزبادي ونقلبهم كويس
وبعدين نحط البيكنج بودر والدقيق السميد ونقلب بالراحة واللي بيحبها بالجوز هند يحط كوباية جوز هند ...نقلب بالرااحة عشان متعجنش منك ومتتقلبش كتييير 
وتولعي الفرن
تجيبي صينية تدهنيها زبدة سايحة معلقتين كبار زبدة ونحط البسبوسة نفردها بالمعلقة نساويها ف الصينة وندخلها الفرن ....لما البسبوسة تستوي من الحروف توطي الفرن وتشغلي الشواية
اول ما تحطش البسبوسة ف الفرن نحضر الشربات
طريقة الشربات
4 كوب سكر
2 كوب ونص ماء
نص لمونة
باكو فانيليا
ملحوظة ...الشربات والبسبوبة لازم يكونوا سخنين اول ماتطلعوا البسبوسة وزعوا الشربات ولما تلاقي البسبوسة بتشرب الشربات يبقي نجحتي
وبالهنا والشفا